ދިވެހިރާއްޖޭގެ ދުލުން

އިންޑިޔާ ކަނޑުގައި އަހުރެނީ ޗާޓުދައްކާ ތިކިތަކެއް

ބިންވަށާ މޫދު ފަޅާވާ ޗާލު ނަލަނަލަ ރަށްތަކެއް

ފަޚުރުވެރި ދިދައެއްގެ ދަށުގާ ތިޔަތިބީ ޘާބިތުވެފާ
                  އަޚުތަކުންނޭ ވާށެ ބައަކަށް ހުންނަނިވި ޝަޚްޞިއްޔަތެއް

ދިވެހިއަކުރާ ދިވެހިބަހަކީ ދިވެހިވަންތަ ޘަޤާފަތޭ

   ދިވެހިލޭހުރި ދަރިޔަކަށް މީ ވިޔަނުވާފަދަ ފަތަޙައެއް

ރަޙުމަތާ ތެދުވެރިކަމާ އެކުވެރިކަމެއްހުރި ޚުލްޤުގައި

     އަހުރަވެތިކަން ހުންނަ ބަޔަކަށް ވާނެޔޭ ނިޢުމަތްތަކެއް

ނިސްބަތުން ފައިހަމަކުރާށޭ ކުރިއަރައިދާ ސަފުތަކާ

      ވިސްނަމުން ތަހުޛީބުވާނޭހައި ރޮނގުން ކޮށް ހިއްމަތެއް

އާމިނަތު ފާއިޒާ (ރީތި ޅެން 3 ޞ 35 – 36)

ކަންޒުލްއަދަބުގެ މުޑަނު ފޮތުގެ 28 ވަނަ ރައިވަރުގެ ޝަރަޙަ

   ރޭތެ ބަލިތަކު ހިނގާ               (ބަލިތަކުތެރޭ ހިނގާ)

   ބޭހާއި ފަރުވާތަކާ                 (ބޭހާއި ފަރުވާތަކާ)

   ދޭހަކޮށް ދިނަކަސް ކިޔާ             (ކިޔާ ދޭހަކޮށް ދިނަކަސް)

   މޭރުން ސަފުން ނުވަންޏާ            (ސަފުން މޭރުން ނުވަންޏާ)

   ތޭނެ މަބު ބަލަ ބަހެއް ނާނެ          (ބަލަ މަބުނާނެ ބަހެއްނެތޭ)

   ހޭކަމުދާން އޮންނާނެ               (ކަމުދާން އޮންނާނެހޭ)

ރައިވަރުގެ ޝަރަޙަ – ދުނިޔޭގައިވާ ބަލިތަކާއި އެ ބަލިތަކުގެ ބޭހާއި ފަރުވާތަކާއި ކިތަންމެ ވަރަކަށް ކިޔާ ދިނަކަސް ނޭނގެންޏާ ކުރާނެ ކަމެއްނެތެވެ. މީހަކަށް ކިތަންމެ ގިނައިން ކިތަންމެ ގޮތަކަށްވެސް ދުނިޔޭގައި ޢިލްމުތައް ކިޔާދިން ކަމުގައިވިޔަސް އޭނާއަށް އެކިޔާދޭ އެއްޗެއް ދަސްނުވަންޏާ އެއީ ވަރަށް ދެރަކަމެކެވެ. މިސާލަކަށް އަރިދަފުސް ޜޯގައިގެ ފަރުވާ މީހަކަށް ކިޔައިދިނުމުންވެސް އޭނާއަށް އެރޯގާއަށް ފަރުވާކުރަން ނޭނގެންޏާ އެއީ ވަރަށް ދެރަ ކަމެކެވެ. އަދި އެކަމާމެދަކު ކިޔަވާދޭ މީހާއަށް ކުރެވޭނެ ކަމެއްވެސް ނެތެވެ.

- އިސްމާޢީލް ޝިޔާޒް -